شنو خدمة تبديل؟

جربت فد يوم يكون عندك دقائق وگيگات متحتاجها بنهاية الشهر ومتدري شنو تسوي بيها؟

تبديل تصممت حتى تنطيك مرونة ما الها حدود، من هسه صرت تگدر تبدل بين الدقائق والگيگات من تصير قليلة او بآخر اسبوع من فترة صلاحية الباقة.

بدل بين الدقائق والگيگات خلال فترة صلاحية الباقة.

هاي الميزة الحلوة متوفرة للباقات بقيمة 15 ألف دينار أو أكثر. إذا كانت باقتك اقل، زيد قيمتها واستفاد من خدمة تبديل!

بدل الى حد 5 مرات.

الحد الأدنى للتبديل:

10 دقائق = 300 ميگابايت

0.03 گيگابايت = دقيقة واحدة

الحد الأقصى للتبديل:

0.99 گيگابايت = 33 دقيقة

50 دقيقة = 1.5 گيگابايت

تكدر تبدل بين الدقائق والگيگات من تصير قليلة (1 گيگابايت او 50 دقيقة) او بأخر اسبوع من فترة صلاحية الباقة. تريد تسويها كلها بمرة وحدة أو تقسمها على 5 مرات أو أقل – الخيار هو خيارك!

خلي ابالك الـ 1 گيگابايت تساوي 1024 ميگابايت.

تبديل غير متوفرة للمشتركين بباقات الانترنت بلا حدود.

أفتح تطبيق أوودي ومن الصفحة الرئيسية اختار يلا نبدلها او من الاعدادات وبعدها اختار تبديل.

حدد كمية البيانات او الدقائق الي تحتاج تبدلها.

أكد العملية من خلال الضغط على "نعم، أستمر".