شنو تفاصيل خدمة الـ eSIM من اوودي؟

اختار شريحة eSIM واكتشف المستقبل!

• تسعى أوودي دائما لتقديم أفضل وأحدث التقنيات لمشتركيها
• سعيدين بتقديم تقنية الشريحة الالكترونية، المعروفة بـ eSIM
• الـ eSIM هي النسخة الرقمية أو الالكترونية من الشريحة العادية، واللي بيها هوايه مميزات

أسئلة ممكن تخطر على بالك : 

شنو اللي تحتاج تعرفه عن الـ eSIM؟
- عيش تجربة المستقبل ويه الـ eSIM – الشريحة الالكترونية اللي راح تأخذ مكان الشريحة العادية.
استمتع بسهولة استخدام أكثر من رقم بنفس الجهاز وسرعة التبديل بينهم
راح يكون تفعيل شريحتك سهل بمسح رمز الـ QR بس!

شلون تحصل على شريحة eSIM من أوودي اليوم؟
لا تدير بال، الموضوع كلش سهل!
- إذا كنت تريد تحصل على eSIM، تگدر بكل سهولة تحصلها من جميع مراكز زين الرئيسية.
ويه سهولة استخدام الـ eSIM، راح تگدر تستخدم موبايلك بدون ما تحتاج الى شريحة، زور أقرب مركز مبيعات الك واحصل على شريحتك الالكترونية الجديدة اليوم!

شلون اتأكد انه جهازي يدعم الخدمة؟
طريقة التأكد من الجهاز كلش سهلة
- لمستخدمي الايفون، تگدر تتأكد انه جهازك يحتوي رقم EID من “الاعدادات” بعدها “عام” بعدها “حول”. أو، تگدر تتأكد من رقم EIDمن العلبة الأصلية للجهاز
لمستخدمي سامسونج، من اعدادات الجهاز والذهاب الى الاتصالات – ادارة بطاقة SIM والتأكد من وجود خيار للـ eSIM. 

هذه مجموعة من الأجهزة اللي تتوافق ويه الـ eSIM: iPhone، Samsung، Huawei، Google، وغيرها

شنو فائدة الـ eSIM؟

اكو هوايه مميزات لاستخدام الـ eSIM 

الـ eSIM تعزز الأمان بحيث ارقامك الشخصية وأرقام العمل راح تنخزن كلها على شريحة رقمية، فراح تقلل احتمالية تخسر معلوماتك الشخصية وارقامك المهمة.

وهمين الـ eSIM تنطي مرونة وسهولة بعملية التبديل بين الأرقام.

بالإضافة الى ان الـ eSIM راح تقلل التأثير البيئي للشريحة العادية.

شنو اللي احتاجه من اشتري eSIM جديدة؟ 
حتى تكون خطوات العملية سهلة وبدون تأخير، لازم تكون وياك مستمسكاتك الخاصة: هوية الأحوال المدنية أو البطاقة الوطنية أو جواز السفر، وبطاقة السكن هذه المستمسكات راح تضمنلك تفعيل الشريحة بصورة صحيحة.    

اگدر اغير جهازي واحول الـ eSIM على الجهاز الجديد؟
متگدر تستخدم نفس الـ QR code على موبايل جديد. تكدر تستبدلها بشريحه عاديه فقط.

شلون احصل على رمز الـ QR إذا ضاع؟

تگدر تطلب استبدال شريحه من خلال تطبيق اوودي الى شريحه عاديه.

في حال صار "إعادة ضبط المصنع" بالجهاز، راح تنمسح اعدادات الـ eSIM؟

أكو عدة خيارات لاعادة ضبط المصنع. إذا كانت من ضمنها مسح اعدادات الشريحة، راح تكون بعدها الشريحة ما مربوطة بالجهاز ولازم تسوي مسح لرمزالـ QR حتى تضيفها مرة ثانية لنفس الجهاز، اما اذا كانت اعدادات الشريحة محفوظة، إعادة ضبط المصنع ماراح تأثر على الشريحة.

أگدر استخدم شريحتين الكترونية (2 eSIM) ؟

تگدر تضيف أكثر من شريحة للجهاز، بس راح تگدر تستخدم شريحة الكترونية وحدة ويه الشريحة العادية بنفس الوقت.

كم eSIM يگدر نفس الشخص يستخدم؟ 

يگدر كل شخص يخزن أكثر من eSIM بجهازه، واكو أجهزة تدعم استخدام أكثر eSIM بنفس الوقت وبعض الأجهزة تدعم استخدام eSIM وحدة، بس راح تگدر تستخدم وحدة بكل مرة وتسوي استبدال بينهم

الخدمات العادية وخدمة التجوال تشتغل على الـ eSIM؟
كل الخدمات المحلية والتجوال تشتغل في حال اشتريت eSIM  جديده.

الأجهزة اللي تدعم شريحتين تدعم الـ eSIM؟ 
هذا يعتمد على مواصفات جهازك، لازم بالبداية تتأكد انه جهازك يدعم هذه الخدمة من خلال الاعدادات.

اگدر استخدم الـ eSIM على ساعة Apple؟ 
حاليا مو ممكن، هذه الخدمة ما مدعومة بالعراق على الأجهزة المحمولة

شگد سعر شريحة الـ eSIM ؟ 
سعر الـ eSIM هو 10,000 دينار فقط. 

أگدر اغير شريحتي العادية الى eSIM ؟
حاليا استبدال الشريحة العادية بشريحة الـ esim غير متوفر، نعمل على توفيره بأسرع وقت ممكن.